Bayram Kürdəxanlı azadlığa buraxılıb

Tanınmış meyxanaçı Bayram Kürdəxanlı bir neçə gün əvvəl azadlığa çıxıb.

Oxu.Az lent.az-a istinadən xəbər verir ki, B.Kürdəxanlı barəsində ötən il Cinayət Məcəlləsinin 234-cü (narkotik vasitələrin qanunsuz dövriyyəsi) maddəsi ilə cinayət işi açılmışdı. O, 1 il müddətinə azadlıqdan məhrum edilmişdi.

1962-ci il təvəllüdlü Bayram Kürdəxanılı iyulun 12-də Bakıxanov qəsəbəsində, şadlıq sarayının qarşısında şübhəli şəxs qismində saxlanılıb. Onun üzərinə baxış keçirilərkən 1.02 qram narkotik vasitə olan tiryək aşkar edilib.

Azadlığa çıxan meyxanaçı Bayram Kürdəxanlı təəssüratlarını belə bölüşüb: “Məni buraxdılar, dedilər ki, günahkar deyilsən. Sağ olsunlar ki, məni azadlığa buraxdılar. Dedilər ki, sən azad olmalısan. Mən narkotik qəbul etməmişəm. Sadəcə, qərar qəbul olunmuşdu ki, belə olmalıdır”.

Meyxanaçı azadlığa çıxması münasibətilə onu təbrik edən həmkarlarına da minnətdarlığını bildirib: “Mənə diqqət göstərən həmkarlarıma da "çox sağ ol" deyirəm. Görüşümə gəlməsələr də, qardaşımla əlaqə saxlayıblar. Azadlığa çıxandan sonra isə görüşümə gəlmişdilər”.