Ən son xəbərləri bizim "Instagram" səhifəmizdə izləyin
"Qarabağ"ın hücumçusu Olavio Juninyo ən çox qol vuranların siyahısında ulduz futbolçuları qabaqlayıb
Beynəlxalq Futbol Tarixi və Statistikaları Federasiyası (IFFHS) 2024-cü ildə keçirilən bütün turnirlərdə ən çox qol vuranların siyahısını tərtib edib. "Qarabağ"ın hücumçusu Olavio Juninyo bu siyahıda Luis Suares və Koul Palmeri qabaqlayıb.
Oxu.Az xəbər verir ki, cədvəldə milli və klubda ümumilikdə 26 və daha çox qol vuranlar yer alıblar. "Qarabağ"ın braziliyalı hücumçusu Olavio Juninyo da ən yaxşılar arasındadır.
26 qol vuran forvard dünyada 45-cidir. O, Premyer Liqada 10, ölkə kubokunda 5, avrokuboklarda 11 dəfə fərqlənib. Juninyo eyni sayda qol vuran Luis Suares və Koul Palmeri əlavə göstəricilərdə, qitə kuboklarındakı qol sayına görə qabaqlayır.
Siyahıya isə Viktor Qyökereş başçılıq edir. İsveç millisinin və "Sportinq"in hücumçusu artıq 59 qol vurub. Erlinq Holand (Norveç, "Mançester Siti") 47 qolla ikincidir. İngiltərə millisinin və "Bavariya"nın əsas silahı Harri Keyn 46 dəfə fərqlənib.
Qeyd edək ki, cədvəldə 54 futbolçu yer alıb.
"Erlinq Holand" teqi üzrə xəbərlər
- 2024-cü ildə ən çox qol vuran futbolçuların siyahısı bəlli olub
- Erlinq Holand 65 avroya görə həbs oluna bilər
- 2025-ci ilin "Qızıl top" mükafatına namizədlərin siyahısı açıqlandı
- UEFA Millətlər Liqası: Qrup mərhələsinin bombardiri kim oldu?
- UEFA Millətlər Liqası: Ən yaxşı bombardir bu gecə bəlli olacaq
Rəylər