Dima Bilan qasırğaya düşdü: Elbrus dağında ilişib qaldı

Məşhur rusiyalı müğənni Dima Bilan qasırğaya düşüb və Elbrus dağına gedən yolda ilişib qalıb.

Oxu.Az-ın xəbərinə görə, müğənni bu barədə "Instagram" hesabında paylaşım edib.

Bilan 2400 metr yüksəklikdə qar qasırğasına tutulub. İfaçının maşını dağa gedən yolda qalıb.

"Güclü külək və üzümüzə vuran qar yağışı, yerimək demək olar ki, mümkün deyil, uçurur! Yolda bizi gözləyən digər maşınlara çatmaq üçün fırtına və qar yığınlarının arasından 5 dəqiqə ərzində qaçdıq!" - deyə Dima Bilan paylaşımda bildirib.

O, hazırda gedəcəyi yerə sağ-salamat çatdığını, özü və komandası ilə hər şeyin qaydasında olduğunu qeyd edib.

Dima Bilan qasırğaya düşdü: Elbrus dağında ilişib qaldı