Messi: "Barselona" üçün darıxıram"

"Barselona"nın sabiq hücumçusu Lionel Messi Kataloniya klubunu noyabrın 29-da qeyd olunacaq 125 illik yubileyi münasibətilə təbrik edib.

Oxu.Az xəbər verir ki, futbolçunun sözlərini Kataloniya Radiosu yayımlayıb.

"Barselona"nı 125 illik yubileyi münasibətilə təbrik edirəm. Bu klubun bir hissəsi və "Barselona" azarkeşi olmaq mənim üçün böyük şərəfdir. Bəxtim gətirib ki, Tanrı məni bu yerə gətirib çıxarıb.

Klub, şəhər, insanlar, sevgi və digər hər şey üçün darıxıram. Həmişə olduğu kimi, ümid edirəm ki, uğurlarımız davam edəcək və bu klubu daha böyük və daha güclü edəcəyik. "Barselona" digər klublardan fərqli olaraq çox gözəl bir klubdur" , - Messi bildirib.

Qeyd edək ki, Messi 2000-2021-ci illərdə komandada çıxış edib.