Minifutbol üzrə dünya çempionatı 2025-ci ildə Bakıda keçiriləcək.
Oxu.Az-ın məlumatına görə, Azərbaycan Minifutbol Federasiyasının bununla bağlı müraciəti müsbət cavablandırılıb.
Bu gün Bakıda bununla bağlı təqdimat mərasimi keçirilib.
Mərasim Azərbaycan Respublikasının Dövlət Himni ilə başlayıb. Daha sonra ulu öndər Heydər Əliyevin xatirəsinə həsr olunmuş beynəlxalq turnir haqqında videoçarx nümayiş olunub. Gənclər və idman naziri Fərid Qayıbov və Azərbaycan Minifutbol Federasiyasının prezidenti Orxan Məmmədov qonaqları salamlayıblar.
Minifutbol üzrə dünya çempionatı 2025-ci ildə Bakıda keçiriləcək.
Dünya Minifutbol Federasiyasının prezidenti Filip Juda dünya çempionatının Azərbaycanda keçirilməsinin önəmini vurğulayıb.
Rəsmi çıxışlardan sonra minifutbol üzrə dünya çempionatının 2025-ci ildə Bakıda keçirilməsi ilə bağlı Orxan Məmmədov və Filip Juda arasında anlaşma memorandumu imzalanıb.
Həmçinin, "Bakı-2025"in təşkilatçılığı ilə bağlı Azərbaycan Minifutbol Federasiyası və Bakı Şəhər Halqası arasında müqavilə imzalanıb.
İmzalanma mərasimindən sonra Azərbaycan haqqında xüsusi videoçarx nümayiş olunub, 2022-ci ildə Slovakiyada keçirilən Avropa çempionatında qızıl medallar qazanan minifutbol üzrə milli komandamızın üzvlərinə idman ustası medalları və vəsiqələri təqdim olunub.
Anar Həsənov
Rəylər