Güclü külək Xaçmazda fəsadlar törədib: Xəsarət alanlar var

Güclü külək Xaçmaz rayonunda bir sıra fəsadlar törədib.

"Report"un məlumatına görə, Xaçmaz-Xudat avtomobil yolunun Nərəcan kəndindən keçən hissəsində külək irigövdəli ağacı kafenin üstünə aşırıb.

Nəticədə birmərtəbəli tikliyə ciddi ziyan dəyib, kafedə olan şəxslər isə xəsarət alıblar.

Həmçinin adıçəkilən ərazidə qırılaraq magistral yola düşən ağac parçaları avtomobillərin hərəkətini çətinləşdirib.

Küləkli hava şəraiti səbəbindən Xaçmaz rayonunun bir hissəsinə elektrik enerjisinin verilişi dayanıb.