1 saylı Respublika Psixiatriya Xəstəxanasında ölüm hadisəsi olub

Maştağada yerləşən 1 saylı Respublika Psixiatriya Xəstəxanasında 63 yaşlı kişi vəfat edib.

Oxu.Az-ın əldə etdiyi məlumata əsasən, 1961-ci il təvəllüdlü İlham Xasıyev bir müddətdir ki, xəstəxanada müalicə alırmış.

Hadisə ilə bağlı Respublika Psixiatriya Xəstəxanasından Oxu.Az-a verilən açıqlamada bildirilib ki, ilkin ehtimallara görə, vətəndaş kəskin ürək-damar çatışmazlığından vəfat edib.

"Hazırda məsələ hüquq-mühafizə orqanları tərəfindən araşdırılır. Məhkəmə-tibbi ekspertizasının rəyi hazır olduqdan sonra, yəqin ki, istintaq orqanı bu barədə məlumat verəcək".

Almaz Qasımova