Havvaxanım Rüstəmovanın cinayət işi: 133 zərərçəkmiş var

"Moon Kids" Uşaq Bağçasının dələduzluq ittihamı ilə həbs edilmiş təsisçisi Havvaxanım Rüstəmovanın cinayət işi üzrə ibtidai istintaqı tamamlanıb.

Oxu.Az "Qafqazinfo"ya istinadən xəbər verir ki, iş üzrə toplanmış materiallar baxılması üçün Bakı Ağır Cinayətlər Məhkəməsinə göndərilib.

H.Rüstəmovanın əməlindən 132 nəfər və Dövlət Sosial Müdafiə Fondu zərər çəkib.

İşi Leyla Əsgərova-Məmmədovanın sədrlik etdiyi hakimlər araşdıracaq.

Qeyd edək ki, müttəhim Nizami Rayon Prokurorluğu tərəfindən cinayət məsuliyyətinə cəlb edilib.