Gənc boksçularımız Macarıstandan iki medalla dönürlər

Macarıstanın Eger şəhərində gənc boksçular arasında keçirilən beynəlxalq turnirə yekun vurulub. Azərbaycan millisi yarışı iki medalla başa vurub.

Oxu.Az Azərbaycan Boks Federasiyasının Mətbuat Xidmətinin məlumatına istinadla xəbər verir ki, baş məşqçi Elbrus Rzayevin komandasında Abbasqulu Şadlinski (71 kq) fəxri kürsünün ən yüksək pilləsinə qalxıb. O, finalda Arpad Jambora 4:1 (30:27, 30:27, 29:28, 29:28, 28:29) hesabı ilə qalib gələrək, qızıl medala sahib olub.

Tağı Nəsibov (60 kq) isə həlledici görüşdə özbəkistanlı Abdulaziz Jurakulovla üz-üzə gəlib. Görüş rəqibin 4:1 (28:29, 29:28, 30:27, 30:27, 29:28) hesablı qələbəsi ilə başa çatdığından boksçumuz gümüş medala yiyələnib.