Bakının Hövsan qəsəbəsində qaz borusunda yanğın hadisəsi baş verib.
Oxu.Az xəbər verir ki, ötən gün gecə saatlarında qeydə alınan hadisə ilə bağlı videogörüntü sosial şəbəkələrdə paylaşılıb.
Hövsanda yüksəkgərginlikli elektrik xəttinin qırılması qaz borusunda YANĞINA SƏBƏB OLDU
Məsələ ilə bağlı Oxu.Az-a açıqlama verən "Azəriqaz" İstehsalat Birliyinin (İB) ictimaiyyətlə əlaqələr şöbəsinin rəisi Eldəniz Vəliyev bildirib ki, hadisə yüksəkgərginlikli elektrik xəttinin qırılması nəticəsində baş verib.
"Məsələdən məlumatlıyam. Bu, "Azəriqaz" İB-nə aidiyyəti olmayan bir məsələdir. Ərazidən keçən yüksək gərginlikli elektrik xətti qırılıb yerə düşüb və yaranan qığılcımlardan hadisə baş verib. Hadisənin qarşısı dərhal alınıb. "Azəriqaz"İB-nin boru xəttinə heç bir ziyan dəyməyib, qaz kəsilməyib", - deyə E.Vəliyev vurğulayıb.
Hadisə ilə bağlı "Azərişıq" ASC-yə sorğu ünvanlanıb.
Əzizə İsmayılova
Rəylər