İslandiyada vulkan püskürməsi: Axan lava özünə ikinci yol açıb

İslandiya Meteorologiya İdarəsi bir sıra zəlzələlərdən sonra yeni püskürmənin başladığını bildirib.

Oxu.Az xəbər verir ki, bu barədə kolibri.press məlumat yayıb.

İslandiya səlahiyyətliləri Reykyanes yarımadasının cənub-qərbində ikinci yarığın açıldığını, lakin dekabr ayından bəri bölgədə altıncı dəfə lavanın püskürməsindən sonra vulkanik aktivliyin zəiflədiyini bildiriblər.

Həftələrlə edilən xəbərdarlıqlardan sonra İslandiya Meteorologiya İdarəsi (İMİ) cümə axşamı bildirib ki, silsilə zəlzələlərdən sonra saat 21:26-da (Bakı vaxtı ilə 00:26 - red.) yeni püskürmə başlayıb.

Videoda İMİ-nin hesablamalarına görə, uzunluğu 3,9 km (2,4 mil) olan uzun çatdan narıncı lavanın püskürdüyü görünür.

Cümə günü səhər, İMİ sosial şəbəkələrdə ilkin çatın şimalında ikinci bir çatın açıldığını elan edib.

Daha sonrakı yeniləmədə agentlik dünəndən bəri püskürmənin intensivliyinin əhəmiyyətli dərəcədə azaldığını qeyd edib.

Həmçinin, bildirilir ki, ən aktiv çat gecə açılan çatdır.

Bu, dekabr ayından bəri ərazidə altıncı püskürmədir və üç həftədən çox davam edən əvvəlki püskürmənin bitməsindən cəmi iki ay sonra baş verib.

İslandiyada vulkan püskürməsi: Axan lava özünə ikinci yol açıb

İslandiya Meteorologiya İdarəsi bir sıra zəlzələlərdən sonra yeni püskürmənin başladığını bildirib.