ABŞ-li iş adamı İlon Maskın sərvəti sahibi olduğu "Tesla" şirkətinin səhmlərinin bahalaşması səbəbindən 26.5 milyard dollar artıb.
Oxu.Az-ın xəbərinə görə, bu rəqəm "Bloomberg" Milyarderlər İndeksinin (BBI) məlumatlarında əks olunub.
Materiala əsasən, "Tesla"nın səhmlərinin qiyməti yaxın zamanlarda, demək olar ki, 15% yüksəlib. Noyabrın 6-da keçirilən ticarət əməliyyatlarının yekunlarına görə, qiymətli kağızlar 14.75% bahalaşıb.
Bununla belə, noyabrın 7-də səhər saatlarında şirkətin səhmlərinin post-ticarətdə qiyməti 0.63% aşağı düşüb.
Lakin eyni zamanda, İlon Mask BBI-yə görə, dünyanın ən varlı adamları reytinqində hələ də birinci yerdədir. Onun sərvəti 290 milyard dollar təşkil edir.
Rəylər