Baku TV Vətən müharibəsi şəhidi Adil Əfəndiyev haqqında reportaj hazırlayıb.
Xüsusi Təyinatlı Qüvvələrin baş leytenantı, hərbi həkim Adil Əfəndiyev 2020-ci il oktyabrın 22-də Xocavənd rayonu istiqamətində gedən döyüşlərdə qəhrəmancasına şəhidlik zirvəsinə ucalıb.
Şəhidin atası Qədir Əfəndiyev onun qəhrəmanlıq hekayəsindən danışarkən qeyd edib ki, Adilin ürəyi həmişə Qarabağla döyünüb:
"İnanırdı ki, biz nə vaxtsa öz torpaqlarımıza qayıdacağıq. Adilin şəhid olduğu yerə gedəndə gözümün qabağına oğlum gəldi. Sanki mənə dedi ki, narahat olma, ata, mənim yerim cənnətdir. Bu, mənə təsəlli oldu".
Şəhidin anası Afət Əhmədova isə oğlunun şəhid olacağını əvvəlcədən hiss etdiyini deyib:
"Şəhid olandan sonra bacısı Adilin telefonundakı mesajı görüb ağladı. Dedi ki, Adil 2019-cu ildə bir dostu ilə mesajlaşanda yazıb ki, şəhid olacağımı hiss edirəm".
Baku TV Vətən müharibəsi şəhidi Adil Əfəndiyev haqqında reportaj hazırlayıb.
Rəylər