Gəncədə ağır yol-nəqliyyat hadisəsi baş verib.
Oxu.Az-ın məlumatına görə, hadisə şəhərin çıxışında qeydə alınıb.
Belə ki, hərəkətdə olan "Mercedes-Benz" markalı yük avtomobili "HOWO" markalı avtomobilə çırpılıb. Nəticədə "Mercedes-Benz" idarəetmədən çıxaraq yol kənarındakı ağaca dəyib.
Qəza zamanı xəsarət alan olmasa da, hər iki avtomobilə ciddi ziyan dəyib. Bundan başqa "Mercedes-Benz"də olan məişət avadanlıqları yolun hərəkət hissəsinə dağılıb.
Yolda bir qədər sıxlıq yaranıb, əraziyə Dövlət Yol Polisinin əməkdaşları cəlb olunublar. Hərəkət tam bərpa olunub, dağılan məişət avadanlıqları yoldan təmizlənib.
Baş vermiş qəza ilə bağlı araşdırma aparılır.
Rəylər