Bakıda mənzildən 109 yaşlı qadının meyiti tapılıb

Bakı şəhəri, Binəqədi rayonu, Azadlıq prospektində vətəndaş mənzildə bağlı qapı arxasında köməksiz vəziyyətdə qalıb.

Oxu.Az xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, məlumatla əlaqədar dərhal FHN-in Bakı Regional Mərkəzinin xilasediciləri çağırış üzrə cəlb olunub.

Xilasedicilər tərəfindən doqquzmərtəbəli yaşayış binasının 3-cü mərtəbəsində yerləşən mənzilin qapısı müvafiq vasitələrlə açılıb və 1915-ci il təvəllüdlü Nübar Mayıl qızı Əhmədovanın meyiti aşkar edilərək aidiyyəti üzrə təhvil verilib.